Nabarraldeko kide Aitzol Altuna historia ikerlariak Euskera eta Nabarrako estatua hitzaldia emango du gaur, hilak 9. Napar Zuzterrak eta Maxixatzen elkarteek Udalaren laguntzaz antolatuta, Elkargunean izango da hitzaldia 19:30ean.
Koldo Mitxelena hizkuntzalariak adierazi zuenez, euskararen misterioa ez da bere jatorria, bere biziraupena baizik, eta gogoeta horren inguruan jira-biran ibiliko da Altunaren hitzaldia:
euskararen mugak historian zehar, baskoien erresumarenak, indar politikoa eta euskararen arteko lotura, euskalkien jatorria, zazpiak bat-en jatorria euskararen atzerakadaren azalpena eta gaurko egoerara nola heldu garen.