Zumaiako Euskara Zerbitzuak antolatutako Euskara, bestela ez gara hitzaldi zikloak eman du bere lehen alea, Joanito Dorronsoro eta Amets Arzallusekin.
Sustatun aurkitu dugunez, puntuka aritu ziren, eta saio mamitsua izan zen bien artean osatu zutena.
Hitzaldiko bideoa ere ikusgai dago, eta hor dauzkazue hainbat gairi buruzko gogoetak: BECeko finala, euskararen egoera, bertsolaritza euskara indarberritzeko eginkizunean, gazteen euskaltasuna, abertzaleak eta euskara, hedabide elebidunak eta abar.