Zuiñ, zuiñe. Lurrean egindako marra. Helmuga. (Nemesio Etxaniz, 1992).
Ez dakit zeinek asmatu zizkion 24 meridianoak Lurrari. Ezta zeinek eman zion ordu
bana irudizko lerro horietako bakoitzari ere. Baina horiei esker, zutaz pentsatzen dudan
bakoitzean, egun osoan zu burutik kentzeke nabilela esan daiteke. Atzo, adibidez,
lanean zinen bitartean zutaz gogoratu nintzen: 17:03 ziren hemen. Bukaresten, 18:03
jo zuten. Lahoren gaua zen, 21:03. Taipein jende gehiena lotan egongo zen, 00:03
baitzen. Baina San Salvador hirian goiza zen artean, 10:03, hain juxtu. Brasilian,
aldiz, eguzkia gorenean zegoen, 13:03. Reikjavik hotzean jada gaua zen, 17:03.
Eta ni hemen.