Kutxa EKOGUNEAK bultzaturiko azoka jasangarriaren hirugarren edizioa da aurtengoa eta kontsumo jasangarria sustatzea du helburu.
Ekoizle ekologikoak, eskulangileak, material birziklatuekin lan egiten dutenak eta energia berriztagarrien sektoreko enpresek partehartuko dute.
Larunbateko EkoBira Azkoitia Elkargunean izango da 10:30-14:30 eta 16:30-19:30 bitartean. Bisitari guztiek egiaztatuko dute “beste
kontsumo era bat posible dela”. Bizimodu jasangarria egiteko aukerak badaude elikaduran
eta baita energia kontsumoan, aisialdian eta abarretan ere, eta erakutsi egin nahi du EkoBirak. Produktu eta zerbitzu
ekologikoak, ingurumenean eragin edo inpaktu txikiagoa dutenak, kontsumitzeko aukerak azalarazi nahi ditu.
Kontsumo jasangarria eta solidarioa sustatzea da Kutxa Ekogunearen ildo estrategikoetako bat eta horren harira sustatu du proiektu hau
hirugarren urtez.