A. Azkoitiak Beloki taldeko Agirre izango du aurkari, eskuz banakako 4T txapelketan. Jon Juaristik Beloki taldeko Viana izango du aurkari, eskuz banakako 4T txapelketan.
-19:00etan, txupinazioa - 22:00etan, Mus txapelketa Floreaga tabernan. Izen ematea 20 euro izango da bikoteko. Sariak: 1.Txapelak eta 150 euro. 2. Garaikurrak eta 100 euro. 3. Bi txanpain botila eta 80 euro. 4. Bi txanpain botila eta 60 euro. -22:00etan, txosna irekiko dute eta 80. eta 90. hamarkada omenduko dute. Gazte gaua antolatu dute Kanuto disko jartzailearekin.
Baztartxora iritsiko da Bernardo Atxaga idazlearen eleberrian oinarrituriko Soinujolearen Semea filma. Fernando Bernues donostiarrak zuzendu du filma eta “adiskidetasunari, traizioari eta indarkeriari buruzko istorioa” da. Protagonisten hiru garaitan oinarritzen da filma: haurtzaroa, 20 urteko gaztetasuna eta 50 urte inguruko garaia. Antzerkian izandako arrakastaren ondoren, zinemara eraman du Bernuesek eleberria. Aktore taldean ere badira beste hainbat donostiar. Ondorengoek osatzen dute, besteak beste, Aitor Beltran, Iñaki Rikarte, Cristian Merchán, Bingen Elortza, Joseba Apaolaza, Mireia Gabilondo, Frida Palsson, Miren Arrieta, Laia Bernues eta Eneko Sagardoi. Bestalde, Patxo Telleriak egokitu du zinemarako gidoia eta musika Fernando Velazquezena da.