Gure Esku Dagok antolatuta, 'Demokrazia bai' egitasmoa aurkeztuko dute Nekane Altzelai eta Xabier Oleaga hizlariek. Martxoaren 22an, ostirala, izango da hitzaldia, 19:00etan Elkargunean.
Azkoitiko Bigoterik Gabea antzerki taldeak bultzatutako 'K-Baret' antzerki musikal berriaren estreinaldia.SINOPSIA: Urteak itxita daramatza Dumontarren kabaret zaharrak baina Rose eta Juliettek ateak berriro irekiko dituzte. Lokal honetan hainbat artista arituko dira bezeroen egonaldia arintzen. Baina artista hauen egonaldia ez da batere arina izango. Teilatu desberdinen azpian jaioak eta berdinaren azpian elkartuta, euren biziak, ametsak eta ametsgaiztoak elkarbanatuko dituzte. Argiak eta itzalak. Agurrak eta ongietorriak. Enkajea, lentejuelak eta ezpain gorriak. Bertan emango diren tirabiren testigu izango da ikuslea Cedric Flamcourtek gidatuta.
Udaberriko guatekea egingo dute martxoaren 22an, Etxe Aitz tabernan.