Azkoitiko Gure Esku Dagok zapatu honetan, martxoak 24, eliz atarian agerraldi jendetsua egin nahi du bigarren giza katea aurkezteko. Datorren ekainaren 10ean, giza kate erraldoia egin nahi dute Donostia, Bilbo eta Gasteizko Legebiltzarra lotzeko, eta beste herrietakoak bezala, azkoitiarrak ere ezinbestekoak izango dira kate hori osatzeko. Guztien artean 201,9 km lotu beharko dituzte.
Foru aldundiak antolaturik, Xabier Urtasun eta Ignacio Arakistain. Bisita gidatua eta entzunaldia.
Asteburu honetan ere, Torre Zuri erakusketa aretoan AZKOITIAZPEITIA maratoi erdiaren inguruko argazki erakusketa ikusteko aukera izango da. Gaur, ostirala, 18:00etatik 20:00etara egongo da irekita. Zapatuan, berriz, goizez 12:00etatik 14:00etara eta arratsaldez 18:00etatik 20:00etara irekiko dute, eta igandean, goizez bakarrik. Azpeitiko Argazki Elkarteko argazkilarien eta Felix Sánchez argazkilari oinatiarraren lanek osatzen dute erakusketa.