Ostirala, ekainak 16

Shine Again antzerki musikala

Shine Again antzerki musikalaren azken bi emanaldiak izango dira ekainaren 16 eta 18an. Sinopsia: Krisiaren ondorioak iritsi dira ikastola honetara. Orain arte bi talde egon dira ikastolan, bat eliteko dantzariz osatuta eta bestea berriz afizionatu hutsez. Murrizketen ondorioz, Junek, orain arte eliteko dantzariak zuzentzen zituenak, bere taldean jende baldar eta traketsa hartzen duenean hasten da guztia. Irabazleen taldea izatetik galtzaile izatera pasa daitekeela ikusten duenean. Bertan sartuko zaizkigu pertsonaia berriak hainbat sentimenduren artean murgilduko direnak, laguntasuna, amodioa, traizioa eta batez ere irabazteko grina. Sarrera:4€

19:00

Euskal sinismen zaharren jardunaldiak

Aitor Puyren hitzaldia: "Euskal pentsamendu indigena" Lehenik eta behin, kultura zer den azaltzen dut, Alfred Kroeber antropologoaren hausnarketak abiapuntutzat hartuta. Ondoren bi kultura jartzen ditut aurrez aurre: indigenena, batetik; eta “zibilizatuena”, bestetik.  Ahalegintzen naiz azaltzen gaur egungo pentsamendu “zibilizatua” zertan datzan, eta zer-nolako eragina duten arrazionalismoak eta kristautasunak. Halaber, ahalegintzen naiz azaltzen indigenen mundu ikuskeran mitoek eta erritoek zer-nolako garrantzia duten. Euskal indigenen pentsamendua azaltzeko unean, J.M. Barandiaranek bildutako zenbait kontakizunen aipamena egiten dut. Dena dela, euskal indigenismoak izan du antzekotasunik beste lurralde batzuetakoekin (adibideak jartzen ditut). Tradizio ezberdinen eraginez, oso bestelakoa da indigenek naturaz egiten duten interpretazioa eta mundu “zibilizatuak” egiten duena. Desberdintasun horiek mahai gainean jartzen ditut nire hitzaldian (zientzia eta mitoak aurrez aurre). Bukatzeko, nire hausnarketa pertsonala egiten dut jakinduriari buruz, orokorrean. 

19:30

Floreaga Ikastetxearen ikasturte amaierako jaialdia

Floreaga Ikastetxeak ikasturte amaierako jaialdia egingo du datorren ostiral honetan Oteiza frontoietan. 19:30ean hasiko da jaialdia. Ikastetxeak hautatu duen gaia Euskal Herria da.

22:00

'Crudo' filma, Baztartxon

19:00

Joseba Agirrezabalagaren erakusketa Zakela tabernan

Matadeixek 21 urte

Aste honetan 21 urtemugako ospakizunekin hasiko gara. Zine ziklo kanibala, kontzertu ederrak eta festa giroa! Bihar, asteazkena, Izu Zinezkoen atal berri batekin gatoz: 'Haragia' zine ziklo kanibala.