Azkoitiko Udalean alkate edo zinegotzi karguan dauden edo egon diren hainbat ordezkarik bat egingo dute, larunbatean, erabakitzeko eskubidearen alde. Adierazpen bat irakurriko dute, eta ondoren, argazki bat aterako dute elkarrekin. Herri-galdeketaren aldeko prozesuan parte hartzeko deia egingo diete azkoitiarrei; sinatuz, aurrena, eta botoa emanez, ondoren. Oteiza Frontoietan, 12:00etan, izango da ekitaldia.
Frankismo ondorengo lehen udal hauteskundeak 1979an egin ziren, eta ordutik Udalean kargua izan duten hautetsien zerrenda luzea da. Ahalik eta gehienengana iristen saiatu gara, biharko ekitaldirako gonbitea luzatzeko. Alkate karguan egon direnekin egon gara, baina, jakin badakigu, zinegotzi denengana ez dugula iristerik izan. Hemendik luzatzen dizuegu gonbitea guztioi. Euskal herritarron erabakitzeko eskubidea! Hori da siglen gainetik lotuko gaituen aldarria. Argazki anitza eta koloretsua atera nahi dugu.
Adibiderako, hona hemen, Azpeitian, 2014ko maiatzean, giza-katerako deia eginez, udal ordezkariek ateratako argazki historikoa: