Euskal Herriko Bertso Eskolen batzordeak martxan jarritako ekimena da Bertsotruk eta Euskal Herri osoko 26 bertso-eskolaren artean lagunarteko desafioak egin dira ikasturte osoan. Oraingoan, Azkoitin egingo da Erniarraitzen eta Iparraldeko bertso-eskolaren arteko saioa.
Ekainaren 10ean, ostiralean, izango da saioa 23:00etan Zakela tabernan eta lau bertsolari izango dira kantuan. Erniarraitz ordezkatuz Asier Garate "Txibilter" eta Eneritz Artetxe izango dira, Iparraldetik berriz, Maddalen Arzallus eta Xumai Murua. Aurretik, ordea, bertso-poteoa egingo da eta bi bertso-eskoletako bertsolari gehiagok hartuko dute parte.
Lehiarik gabeko desafioa izango den arren izango da saltsa.