Bihartik aurrera, izena eman daiteke Txertatu Merkatuan programan

Maxixatzen.eus 2017ko api. 6a, 14:05
Argazkian, aurreneko edizioko parte-hartzaileak.

Maiatza aldera, Iraurgi Berritzenek Txertatu Merkatuan Programaren 2. edizioa jarriko du martxan. Oinarrizko prestakuntza maila duten eta langabezi egoeran dauden 17-30 adin tarteko gazteei zuzendutako proiektua da. Bertan izena emateko epea bihar, apirilak 7, irekiko da.

 

Euskal Autonomia Erkidegoko 2014-2020ko Gazte Enplegurako Programa Operatiboan kokatzen da proiektua, eta Europako Gizarte Funtsak finantzatzen du % 91.89an, Garapen elkartearen eta eskualde-garapeneko 19 agentziaren parte-hartzearekin eta Eusko Jaurlaritzaren lankidetzarekin. Proiektu hau, Urola Erdian, Iraurgi Berritzenek kudeatuko du.

Txertatu Merkatuan proiektua nori zuzenduta dago?

  • 16 urtetik gorako eta 30 urtetik beherako gazteei.
  • Langabezian dauden pertsonentzat eta azkenengo hilabetean laneko kontratu bat izan ez dutenentzat.
  • Oinarrizko ikasketak dituztenak.

Txertatu Merkatuan programa berritzailea da, eta parte-hartzaileen jakintzak, trebetasunak eta hobbiak hartzen ditu oinarritzat haien jakintzak egituratzeko eta lan-profil bat eraikitzeko. Helburua da pertsona bakoitzaren motibazioa lortzea eta autoestimua areagotzea, esku hartzeko erabiltzen diren metodologiak gela tradizionalean erabiltzen direnen bestelakoak izanik.

Txertatu Merkatuan programak parte-hartzaileen profil eta premiei egokitutako ibilbidea proposatzen du eta honako bi fase garatzen ditu:

1. FASEA: EGOKITU; eguneroko jakintzetatik abiatuta, lan-profil bat eraikitzea.

Langabezian dauden eta esperientziarik ez duten pertsonen ezkutuko gaitasunak eta lan-trebetasunak identifikatu eta balioztatu nahi dira, enpresek erabiltzen duten lan-hizkuntzara egokitzeko.

2. FASEA: TREBATU; lan-errealitatea ezagutzeko lehen pausoa

  • Gaitasun teknikoetan prestatzeko tailerrak + praktikak eskualdeko enpresetan.

Programan izena emateko, Sandra Fernandezekin jar zaitezke harremanetan sfernandez@iraurgiberritzen.eus emailera idatzita edo 943851100 telefono zenbakira deituta.

Maxixatzen da Azkoitiko euskarazko aldizkari bakarra, eta zu bezalako irakurleen babesa behar du aurrera egiteko.


Izan zaitez Maxixatzeneko bazkide