Izen-ematea Facebook sare sozialeko Bizilore Eskola Aktiboaren orrialdean edo 637 705 720 telefonora deituta egin beharko da.
Bestalde, hainbat ekintza eta ikastaro antolatu ditu datozen hilabeteetarako Bizilorek. Hauek dira eskaintzak:
Bilboko Diraya zentroaren eskutik ipuinen inguruko ikastaroa antolatu dute. Hezkuntza sortzailearen printzipioetan oinarrituta ipuinen inguruan husnartuko dute, Dirayako kideen laguntzaz.
Irakurketa-idazketa prozesua Elena Laiz Sasiainekin: Zazpi urtez izan da eskola txikietako koordinatzailea, eta gaur egun Zizurkilgo eskola txikiko irakaslea da, proiektu pilotu baten arduraduna.
Hezkuntza Sistemikoa Aitziber Esnaola Arribillaga eta Larraitz Mendizabal Huitzirekin: biak irakasleak eta pedagogia sistemikoan adituak dira, besteak beste, Hik Hasiren udako ikastaroetan aritzen direnak.