XX. Erakusleiho Lehiaketan guztira Azkoitiko hamazortzi saltokik parte hartu dute, eta horietatik lau saritu dituzte. Denda txikiei dagokienez, lehendabiziko saria Lur belar dendak eskuratu du, eta bigarrena, Noah jantzi dendak. Saltoki handietan, berriz, Karan haur arropa dendak irabazi du aurreneko saria, eta Cenor Larramendik, bigarrena. Sari horiez gain Herrixen merkatarien elkarteak otarra bat zozkatu du lehiaketan parte hartu dutenen artean, eta sari hori NK ileapaindegiak irabazi du.
Javier Zubizarreta alkateak azpimarratu du merkataritza sektorea herrian "behar-beharrezkoa" dela: "Dendarik gabe kaleak desertu bilakatuko lirateke. Udaletik saiatuko gara diru laguntzak ematen, baina, batez ere, bezeroak izatea da ezinbestekoa. Egin dezagun ahalegina herrian erosteko".
2016 abe 16 Azkoitia