Txanpaña Forever
Klub kulturako erregeak disko bat grabatu du Creative Commons erakundearen bidez, soinua, pasioa eta sentimenduak partekatzeko. Txanpaina dj-ak grabazio esperientzia hori aterako du, zortzi pista berrirekin eta perkusiozko sarrera batekin, beste hiru artistaren laguntzaz baliatuz. Kanten aurrerapena entzungai, hemen.
DJ Txanpainak esan du musikarekin gozatzen duela eta bere zaleentzat lan berriak grabatzen jarraitu nahi duela.
Loturan, Txanpaña Forever bideoa.
Gipuzkoako Foru aldundiak META! deialdiaren barruan bultzatuko dituen hogei kultur proiektuetako bat da Iñigo Txanpainaren lana. Proiektua kofinantzatzeko lotura, berriz, hemen.
Crowdfunding kanpaina
Abenduaren 3ra arte iraungo duen crowdfunding kanpainari ekin diote laguntzak batzeko eta, jendeak emandako euro bakoitzeko beste bat jasoko dute Foru Aldunditik diru-laguntza gisa, epearen barruan proiektua garatzeko minimo bezala finkatu duten kopuru jakin batera iristen badira. Proiektua diruz laguntzen duten pertsonek sariak jasoko dituzte trukean, eta beste hainbat modutan parte hartzeko aukera ere badago.
Argazkian, hautatutako proiektuen ordezkariak eta Denis Itxaso Kultur diputatua / Gipuzkoa.eus.